Fyri tað fyrsta, hevði eg ikki vænta av tær Ólavur, at tú uttan at venda tær til okkara, fyri at fáa eina viðmerking, koyrir sovorði tvætl út á Vágaportalin.

Fyri tað fyrsta, so samstarva MB og 07Vestur ikki um dreingir og unglingar, men um smádreingir og dreingir, og hevur hettar samstarv gingið sera væl. Og at bara MB fær nakað burturúr samstarvinum er reint tvætl. Sjálvandi er tað allir hesir ungu evnaríku leikarnir, ið fáa allan ágóðan av tí arbeiði, ið verður gjørt fyri og rundan um teir.

Fyri tað næsta er tað eisini lygn, at vit hava fingið skriv um at kasta saman við 07Vestur, og at vit ikki hava svara enn. Vit hava fingið eitt skriv, har vit vóru bidnir um fund um møguleikan fyri eini frammtíðarætlan innan fótbólt í vesturøkinum. Vit hava havt ein fund, ið MB kallaði inn til í MB-húsinum og vardi fundurin í hálvan triða tíma, og var fundurin sera positivur. So at vit ikki hava svarað enn, er eisini lygn.

Men um fólkini aftan fyri 07Vestur veruliga vilja kasta saman við okkum, so eru vit klárir at takað 07Vestur undir okkara 105 ára gomlu veingir, so at allur fótbólturin er undir einum hatti í vesturøkinum.

Fyri tað triðja er málið um leikarnar eisini fullkomiliga misskilt. Málið snýr seg um, at tveir leikarir eru vorðnir 16 ár, og kunnu velja sær eitt felag at leika í víðari, nú teir hava aldur at leika í vaksnamanna deildunum. Teir vilja leika við MB, og mugu leikaraloyvini tí flytast til MB, um hettar skal lata seg gera. Men hettar noktar 07Vestur teimum, sjálvt um teir sambært fótbóltslógunum ikki hava rætt til tað. Og tí kom fótbóltssambandi uppí málið, og eru vit sera keddir um tað í Miðvágs Bóltfelag.

Við at sita sum formaður í fotbóltsfelagnum Miðvágs Bóltfelag byrjar man at fáa eina hóming av, hvussu Ísraelsfólk hava havt tað ígjøgnum øldir, so nógvur ágangur er á okkum bæði úr eystri og vestri.

Við fótbóltskvøðu

Miðvágs Bóltfelag
Dánial A. Hansen
Formaður  

Les eisini:

07Vestur vil hava MB uppí samstarv

Aftur