Vágaportalurin hevði fyrr í dag eina grein frá einum vinnurekandi, sum fanst at, at Gjaldstovan brúkar ein møguleika sum ikki er sambært lóg. Lógaruppskotið til grund fyri elektróniskari fakturering var felt í løgtinginum.

- Eg skal eisini gera vart við, at Elektron hevur gjørt eina skipan uttan at endamálið var at fylgja einari lóg, men heldur ein "smartur" máti at levera rokningar. Men tað verður koyrt út sum at tað er álagt fyritøkum at gera soleiðis, skrivaði tann vinnurekandi m.a.

- Vit hava í fleiri ár sent rokningar umvegis email sum pdf skjal, tað hevur fungera fínt. Men nú skulu vit til at senda rokningina á ein serligan hátt har ið vit rinda fyri hvørja rokning, skrivaði tann vinnurekandi, sum eisini fanst at, at roknskaparleiðarin hevur sent trúnaðarskjøl út til email adressur hjá fyritøkum:

- Í okkara førum bleiv tað sent til okkara kontakt eina tilfeldiga kontakt adressu, ikki eingang mína persónligu teldupost adressu. Tískil er tað heilt ótrúliga óforsvarligt gjørt. Eg hugsi serliga um trygdina hjá fyritøkunum.

Roknskaparleiðarin á Gjaldstovuni hevur nú sent eina innbjóðing til Vágaportalinum um meira kunning um málið og løgtingslógaruppskotið saman við einum skrivi, har hann m.a. skrivar soleiðis:

- Eg vil taka hatta við ”internu sølutølunum” til eftirtektar, hóast upplýsingarnar bara eru sendar fyritøkuni sjálvari. 

- Eg gangi út frá, at talan er um handilin XXXXXX (navn verður nevnt á handli í Miðvági), ið tit taka sum dømi. Eg eri samdur við handlinum í, at talan er um lítla fyritøku, og eg havi einki ynski um at pressa teir til nakað sum helst. Tað var ásannandi, at vit nakrar ferðir høvdu rindað pening til handilin XXXXXX (navn aftur nevnt á handlinum í Klaksvík), at eg vísti XXXXXX (navn á hinum handlinum í somu fyritøku í Miðvági) á hendan møguleikan.

Roknskaparleiðarin sigur eisini viðvíkjandi skrivinum soleiðis:

- Eg orðaði meg í standardskrivi, at ”vit vilja fegin hava”. Veitarin kann siga ”nei”, og so er tann søgan ikki longur.

Viðheft er eisini skrivið við hesum teksti, og har er eingin ivi, at hetta eru eini boð og ikki eitt tilboð:

- Góði  veitari, Vit vilja fegin hava, at tit senda okkum elektroniskar rokningar – og ikki senda pappírsrokningar

Her er eingin ivi, at hetta eru eini kravboð.

Men viðvíkjandi handlinum, sum roknskaparleiðarin í Gjaldstovuni sigur er ein handil í Vágum og í Klaksvík, so er hetta ikki satt.

Talan var um ein vinnurekandi í Tórshavn.

Vit kundu eisini spurt, um talan er um spamm, tá ið Gjaldstovan sendir sovorðin brøv út til vinnurekandi?

Eisini kunna vit spyrja um Gjaldstovan hevur heimild at upplýsa Vágaportalinum - uttan at hava biðið um innlit - um nøvn á fyritøkum og greiða frá ymiskum viðurskiftum?

ólavur

Les eisini:

Gjaldstovan ger beint móti løgtingslóg

Aftur