Magn og Demich: Allar orkuloysnir til sethús og virkir á einum stað

Magn og Demich: Nú er slutt við at ivast, stríðast og brúka drúgva tíð til at útvega sær røttu orkuloysnina til húsið ella fyritøkuna.

Hvør er rætta loysnin? Vanligt oljufýr? Hitapumpa? Oljufýr við kondensketli? Jarðhiti? Sólorkuskipan ella okkurt heilt annað? Hvør er besta loysnin til júst mítt heim ella virki?

Oljufýrseljarar siga helst oljufýr. Tey, sum bert selja hitapumpur, halda ivaleyst hitapumpurnar vera svarið. Hvørjum skal man trúgva? Sannleikin er, at tað veldst um títt heim og tín tørv.

Eingin orkuloysn er altíð best, og tí mugu fakfólk meta um spurningin. Orkufelagið Magn og VVS-fyritøkan Demich hava tí tikið stig til eitt nýtt samstarv, har vit tryggja óhefta ráðgeving um, hvør orkuloysn hóskar best til hvørji hús ella virki. Soleiðis kunnu vit saman telgja ein góðan part burtur av orkurokningini. Nógv er at spara við at velja røttu orkuloysnina.

Sum er noyðast fólk at tosa við fleiri ymsar veitarar. Tað tekur drúgva tíð og er mangan møðsamt at fáast við. Frameftir kunnu kundar ringja ella senda ein teldupost til Magn, ið so avgreiðir restina av arbeiðnum: frá ráðgeving og til orkuloysnin er sett upp og virkar.

Her er mannagondin, ið vit bjóðar kundum:

1.      Tú setur seg í samband við Magn
2.      Tù og Magn/Demich taka eitt orkuprát og meta um orkutørvin. Funnið verður fram til ta loysnina, ið er snildast og loysir seg best. Serfrøðingar innan allar orkuloysnir luttaka.
3.      Fakfólk bíleggja alt tilfar og seta nýggju orkuskipanina upp
4.      Skipanin verður roynd og stillað, so hon virkar eftir ætlan
5.      Tá uppgávan loyst, avrokna vit á einari einstakari rokning. Síðani kunnu vit, um tú ynskir tað, avtala service til skipanina
 
- Okkara ráðgeving er ikki tengd at eini einstakari orkuloysn. Vit veita øll sløg av orkuloysnum og veita tí óhefta ráðgeving um, hvat passar tínum heimi ella fyritøku best.

- Hetta er fyrstu ferð í Føroyum, at eitt oljufelag og ein VVS-fyritøka hava so tætt samstarv um at bjóða privat- og vinnukundum loysnir fyri vatn og hita í húsum og orku sum heild, siga fyritøkurnar í tíðindaskrivi.

Kundar fáa samband á heimasíðunum www.magn.fo/orkuhus ella www.demich.fo/orkuhus

Aftur