Grammur býráðslimur í Havn

Tann triðja septembur kom eitt tíðindaskriv sendandi til Vágaportalin frá forkvinnuni í teknisku nevndini í Havnar kommunu, um at nú hevði býráðið keypt 16 bussar.

Tíðarvend stórtíðindi og super gott fyri borgaran í Havn, at fáa so nógvar og nútímans bussar.

Vágaportalurin bar eisini hesi breaking news í einum stubba, har víst var til, hvat forkvinnan segði í skrivinum, og tað orðarætt.

Men nú er ein rætting komin eftirsíðan á heimasíðuni hjá Tórshavnar kommunu, har rætti boðskapurin verður kunngjørdur: Býráðið samtykti hóskvøldið at taka upp samráðingar um ein nýggjan sáttmála við Gundurs Bussar.

Tað er rættingin til fyrru greinina sum var kunngjørd her á Vágaportalinum.

Eitt sindur harmiligt er tað, at býráðslimir senda sovorðið skrambul út til pressuna sum einki hald er í, tí hetta er við at skaða umdømið hjá okkum miðlum sum taka tað upp.

Tað vísur seg at vera rættiligt wild west við tíðindaflutninginum í Havnar kommunu, har hvør hanus og janus sendir út tíðindir og gongur við einum lítlum spinnara í hvørjum buksulumma.

At vísa seg, er hetta sera óheppið, tá ið pressugreðin vinnur á fornuftini, tí nú koma skolurnar omanyvir okkara óseku herðar, vit sum manna pressutoymið í Føroyum, og býttari eru vit sjálvandi, at taka sovorðið upp.

Men skal kunningin vera, so skal hon vera sonn, og tí er mítt hugskot, at leiðslan í Tórshavnar kommunu fær skil á hesum wildwest býráðslimum sum ikki hava skilt, hvat eitt býráð hevur samtykt.

Sum miðil hevur Vágaportalurin einki ímóti, tvørtur ímóti, at fáa tilfar av tíðindavirði, men hereftir verður helst strammað eitt sindur í, so ikki Vágaportalurin verður lagdur undir at bera vrangan vitnisburð og soleiðis koma í ringt orð.

Tað hevði eisini klætt seg forkvinnuni í teknisku nevnd, um hon sendi út eina rætting sum umbering fyri, ikki at hava kunnað rætt, bæði sær sjálvum og okkum miðlum at gagni.

ólavur

Les eisini:

Grein á Vágaportalinum

Rætting á heimasíðuni hjá Tórshavnar kommunu

Aftur