Tað munna vera fáar oddagreinir, ið eru so avskeplaðar sum oddagreinin í Dimmalætting í dag, undir yvirskriftini "Góði Jørgen".

Ritarin handan hesa oddagrein er antin ein úrlatin dimmulingur, sum stendur við buksunum faldaðum niður á knø, ella ein av teimum súru, frá hinari deildini á Dimmu, sum hatar Heðin Mortensen/Javnaðarflokkin og Jørgen Niclasen/Fólkaflokkin.

Oddagreinin, sum als ikki kann metast sum ein oddagrein, men heldur sum eitt súrt lesarabræv í einum skandalublaðið, sum Dimmalætting er vorðin, er so súr, at tá ið eg las tekstin, tí hann var sendur mær, sá eg handa "súra" fyri mær, tá ið hann var í Sjónvarpinum.

Tað ringasta við hesum súra lesarabrævinum í skandalublaðnum Dimmalætting er ikki, at Vágaportalurin verður nevndur, tað er peanuts og verður bert tikið sum gott PR-stunt, men tað ringasta er, at blaðið er so kroyst av tí, sum Vágaportalurin hevur skrivað, at tað leggur eftir øllum vágafólkum og skuldsetir tey fyri vága-patriotismu - eitt fólk, sum er tað mest vinarliga og mest altjóða sinnaða í Føroyum, helst tí vit hava havt Floghavn her í so mong ár og ikki eru vorðin "súr" sum tann eina greinin á Dimmu er.

Orsøkin til, at uttanríkisráðharrin og helst eisini aðalstjórin ikki ditta sær at svara skandalublaðnum Dimmalætting er, at blaðið sendir skítbýttar innlitsspurningar fleiri ferðir um dagin - einamest frá Dimmulinginum - og eru spurningarnir sum slíkir og á hummara- og músa støði:

- Hví slapp hann ikki við til Washington?

- Hví slapp hann við til Washington?

- Tá ið hin slapp við, hví slapp hann so ikki við og heldur ikki hann?

.....

- Hví slapp hann í Setanarnevndina?

- Hví slapp hann ikki í Setanarnevndina?

- Hví var hann ikki koyrdur úr Setanarnevndini, og ein annar valdur, tá ið hin ikki slapp, sum kortini slapp í Setanarnevndina?

.....

- Eru uttanríkisráðharrin og aðalstjórin í familju?

- Hví eru uttanríkisráðharrin og aðalstjórin í familju?

- Hevði tað ikki verið betri um uttanríkisráðharrin og aðalstjórin ikki vóru í familju?

o.s. fr.

Tann vanligi lesarin sær, hví eitt ráð, sum er at sær komið, ikki vil hava nakað við slíkt tómt svass at gera, sum verður sent frá Dimmulinginum dagliga!

Eitt býtt spyr meira enn 10 vís fáa svarað, er helst einfalda niðurstøðsn hjá Uttanríkisráðnum viðvíkjandi skandalublaðnum Dimmalætting!

ólavur

Les eisini:

Jørgen umhugsar at kæra Dimmu

Aftur