DVÆRGEN á pall í Norðurlandahúsinum

Teater FÅR302 úr Keypmannahavn vitjar  leygardagin 28. august Norðrlandahúsið við sínum stóra norðurlendsku leiki Dværgen.

Altjóða virkni íslendski leikstjórin Egill Pálsson hevur leikstjórnað leikin. Egill Pálsson er ikki ókendur í Føroyum, tí í 2009 leikstjórnaði hann nógv rósta leikin 4:48 Psykose eftir Sarah Kane við leikbólkinum Tvazz í Tórshavn. Pálsson hevur vunnið  stóra viðurkenning fyri sínar sýningar í Danmark og hinum Norðurlondunum. Aftan á norðurlendsku turnéina við Dværgen er Egill Pálsson umbiðin av m.o.. National Teater í Mannheim og Schaubühne í Berlin.

Teater FÅR302 er stigtakari til verkætlanina “Ny Nordisk Scenekonst og Dialog”, sum nú endaliga ber  frukt við einari norðurlendskari turné; Dværgen vitjar í Norðurlandahúsinum, Malmø Stadsteater, Uppsala Stadsteater, Tribunalen Stockholm, Lokál Teaterfestival,  Borgarleikhúsið í Reykjavík, Klockriketeatern, Helsinki, Københavns Musikteater, Dramatikkens Hus í Oslo og og í egnum hølum í Teater FÅR302.

“Eg havi lagt til merkis, at eg til tíðir ræði fólk. Men er tað ikki sær sjálvum, tey blíva bangin fyri? Tey halda, at tað er eg, sum ræði tey, men tað er innari dvørgurin í teimum, hendan menniskjaliga veran við apuandliti, sum stingur høvdið upp úr dýptini av teirra sál. Tey ræðast, tí tey vita ikki, at tey hava eina slíka veru inni í sær.” Úr Dværgen

Dvørgurin hatar hálovanini  av list, kærleika og vísundi. Hann heldur lítið um alt tað, sum mennir menniskjuni. Hann øvundar øllum  og hatar alt, sum røkkur longri,  enn hann ger:  Vit leggja  innara búrhundin  og innistongda  medvitið undir náðileysan lupp,  og vísa kensluna  hjá dvørginum av at vera fysisktog mentalt avbyrgdur  – eitt minkað menniskja.

Svenski nobelvirðislønti rithøvundurin Pär Lagerkvist skrivaði sína illaboðandi og hugvekjandi skaldsøgu í 1944 um ein óndan dvørg við eitt prinsahoff í Italia undir endurburðartíðini,  og peikaði samstundis í sínum ritverki á samtíð sína og undirlutakensluvitanina hjá Nasismuni. DVÆRGEN er eina obduktión av tí ónda og hugvísind tess.. Hugvísindi hjá tí ónda sæð úr vísindaligum, átrúnaðarligum, politiskum, estetiskum og ideologiskum sjónarhornum. Við íblástur frá hernaðar- og polististavarðhaldsfongslum er pallurin  settur í eitt slag av kliva,. Legan, klivin, verður  brotin niður,  so hvørt sum sýningin líður. Niðurbróting og upploysn eru ímyndir av  menniskjasligu offrunum, og vitloysinum í  krígnum, og av hvussu óndskapur upploysir humanismuna.

Sýningin er kl. 19.30 og varir 1 t. 20 minuttir. Aftan á sýningina verður orðaskifti við leikstjóranum Egill Pálsson. Til ber at síggja brot úr leikinum á nlh.fo.

Leikurin er ikki fyri børn.

Aftur